GAÑADORES DE CONCURSOS

Xa queda pouco para rematar o trimestre e mailo ano. Como vén sendo tradición, ultima semana lectiva do ano entregamos diferentes premios. Velaquí expoñemos os gañadores:

CONCURSO "NADAL PLURILINGÜE" Gañadora: Carla Sánchez M. (6ºB)

PREMIO Á CLASE MÁIS LECTORA Gañadores: 1ºB

QUIZ: "MESA, TRÁGAME" Gañadora: Martina Suárez G. (1ºB)

QUIZ: "MI NOMBRE ES STILTON, GERONIMO STILTON" Gañadora: María Pérez L. (2ºC)

BO NADAL PLURILINGÜE

Desde a biblioteca escolar, queremos colaborar cun concurso posto en marcha polo centro. O concurso consiste en descubrir en que idioma están escritas as felicitacións de Nadal que podedes observar na foto.

Todos aqueles que queirades PARTICIPAR, só tedes que ir á PORTERÍA, ler as distintas felicitacións natalicias e deixar na biblioteca nunha folla o voso nome, curso e escribir o idioma que se corresponde con cada felicitación.

O GAÑADOR TERÁ UN INTERESANTE PREMIO.

O MOUCHIÑO ANÍMAVOS A PARTICIPAR!!!!!!! 

BO NADAL. FELIZ NAVIDAD. MERRY CHRISTMAS.BON NATAL....

NADAL NA BIBLIOTECA CON INFANTIL

O pasado venres os alumnos de 6º Infantil realizaron unha visita especial á biblioteca. Esta visita incluía un contacontos ambientado nestas datas en que estamos mergullados e a felicitación polas festas mediante as árbores de nadal gráficas

IN MEMORIAM, CARLOS OROZA

"Todas las tardes paseo mi derrota por las calles de Vigo, alguna vez me paro en la orilla y espero algún barco" CARLOS OROZA

BO NADAL

A Biblioteca Escolar deséxavos ...............................

Ánimos cos últimos exames do ano e logo.....a pasalo ben nestas entrañables festas.

IN MEMORIAM DE XOSÉ NEIRA VILAS

"Eu son Balbino. Un rapaz da aldea. Como quen dis, un ninguén. E ademais, pobre. Porque da aldea tamén é Manolito, e non hai quen lle tusa, a pesares do que lle aconteceu por causa miña" (Memorias dun neno labrego)

O pasado 27 de novembro as letras galegas tinguíanse de loito cunha nova triste: o pasamento de Xosé Neira Vilas. Xosé Neira Vilas sera recordado polos amantes da literatura galega polo éxito de vendas "Memorias dun neno labrego", obra que nos marcou a moitos de nós. Hoxe Balbino chora a ausencia do seu creador. Hoxe todos choramos a súa perda.

Máis información en:

"Muere Neira Vilas" in EL PAÍS, 27 de novembro.

Fundación Xosé Neira Vilas

"Morreu Xosé Neira Vilas" in Galicia Noticias Mediodía, Televisión de Galicia. "O legado literario de Pepe Neira Vilas" in Galicia Digital

NADAL

Xa comezamos o mes de decembro. Os rapaces están traballando e estudando moi duramente para superar satisfactoriamente os seus exames do primeiro trimestre baixo o pano de fondo do Nadal. O Mouchiño mándavos os seus mellores desexos para que fagades un pequeno esforzo nestas últimas semanas do ano.

Por certo, esquecíame dicirvos que o Mouchiño vos preparou unha selección de libros ambientados no Nadal e no inverno.

AGASALLO POLO OUTONO

Hoxe o Mouchiño recibiu un agasallo moi especial por este outono. Este agasallo realizárono os rapaces de 6º Primaria, coordinados polas súas profesoras de inglés. Velaquí unha imaxe ilustrativo deste outono literario, outono das bibliotecas escolares....

Grazas, compañeiros de 6º Primaria. Asinado: O Mouchiño

SEMANA DA CIENCIA

Durante esta semana, en coordinación co Departamento de Ciencias albergaremos na biblioteca escolar unha pequena exposición co gallo da SEMANA DA CIENCIA 2015. Non dubidedes en botarlle unha ollada.

MAGOSTO

Coincidindo cos últimos días do Magosto, os alumnos de 1º ESO realizaron uns pequenos carteis sobre esta festa central do outono.

A CLASE MÁIS LECTORA

O Mouchiño achéganos a seguinte información sobre as clases máis lectoras. Estas son as clases máis lectoras polo momento

1º B - 119 libros lidos

2ºB - 118 libros

1ºC - 107 libros

4ºA - 83 libros

2ºA - 54 libros

DíA DAS BIBLIOTECAS ESCOLARES (III)

Velaquí outra das composicións elaboradas con motivo do Día das Bibliotecas Escolares polos alumnos de 2º Primaria

Hoxe non se oen berros de alegría no patio do recreo. Una vez unha nena estaba xogando no bambán do patio e atopou uns caramelos de limón,cereixa,laranxa e mazá. Despois marchou á súa casa a xogar. Pola noite ceou e caeulle un dente. Antes de dormir bebeu un vaso de leite, una torrada e un colacao con galletas príncipe. Cando acabou de tomar o leite, foi ao colexio.

O SAMAÍN

Logo da Semana das Bibliotecas Escolares, case sen tempo para respirar, preparámonos para celebrar o Samaín. Con motivo deste festexo, un grupos de usuarios da biblioteca asiduos axudáronnos coa decoración da nosa biblioteca.

O xoves pasado, recibimos a visita dos tres grupos de 1º ESO. Os rapaces e rapazas deste curso viron un vídeo-explicativo sobre o Samaín e logo elaboraron cadanseu panel informativo sobre o Samaín en cartulinas. Velaquí o resultado do seu traballo. FELIZ SAMAÍN.

DÍA DAS BIBLIOTECAS ESCOLARES (II)

Aquí vos deixa o Mouchiño algunhas das composición creadas seguindo a técnica do "cadáver exquisito" surrealista.

Pero axiña, o primeiro día de clase, o mundo de Xoán cambiou totalmente. Á clase chegara unha compañeira nova, Nayara.

Nayara, ao chegar nova e non coñecer a ninguén, empezou a chorar coma unha tola. E entón, apareceu unha nena e preguntoulle:

-Que che pasa?

-Que me doe moitísimo o fígado e non podo estar cómoda.

Logo chamaron á ambulancia e avisaron os seus país

[Paula P., Enrique L., Nicely, Lucas G. (4ºB)]

EL ROBO DEL DIAMANTE GIGANTE

Un día, un amigo de Gerónimo lo llevó a ver un diamante enorme en el Museo. Días más tarde, el diamante ya no estaba en el museo. Más tarde, Gerónimo se puso a buscar pistas sobre el ladrón del diamante gigante. ¿Quién sería el responsable del robo? Leedlo y lo averiguaréis. (Gonzalo M. d. O., 4º Primaria)

DÍA DAS BIBLIOTECAS ESCOLARES

Co gallo da celebración do Día das Bibliotecas Escolares o próximo 24 de outubro, quixemos remarcar no calendario escolar esta data cunha variada oferta de actividades destinadas ao alumnado de Primaria.

A primeira das actividades consistía nunha sesión de contacontos dos libros Soños de andel, de Susana Lamela para 1º e 2º Primaria e do relato "Ser superheroe non é nada doado" pertencente ao libro de Agustín Fernández Paz titulado Contos por palabras . Logo do contacontos, os rapaces de 1º Primaria colorearon uns debuxos que facían referencia á efeméride sinalada. Os rapaces de 2º, 3º e 4º Primaria elaboraron uns contos colaborativos, de xeito que cada un só podía ler e ver a continuación do compañeiro anterior, seguindo as pautas do cadáver exquisito, dado a coñecer polas poetas surrealistas.

Como broche final, os alumnos de 5º Primaria representaron na biblioteca do centro un rap para a ocasión. Que ben o pasamos!!!!!

READING BOOKS IN ENGLISH LANGUAGE

O Mouchiño recibiu unha agardada visita. Hoxe foi visitado por alumnos de 6º Primaria que leron libros en inglés do noso fondo bibliográfico. Velaquí unhas mostras do seu interese.

RECOMENDACIÓNS DE LIBROS PARA RAPACES DE PRIMARIA

Logo dun semana intensa, o Mouchiño achégase por estas paraxes para facervos unhas recomendacións de libros. Na biblioteca, o Mouchiño colocou tres currunchos con libros destinados aos primeiros lectores, a rapaces do 2º e do 3º ciclo de Primaria. Esperamos que nos facilite a orientación sobre os libros adecuados a cada etapa educativa.

Por outra banda, esta semana recibimos a primeira visita dos rapaces de 1º ESO para realizaren os Proxectos interdisciplinares. Cada martes avanzarán nos seus respectivos traballos empregando o espazo da biblioteca. Moitos ánimos coas vosas pesquisas e indagacións. E, por último, tamén puidemos contar coa presenza de alumnos de 2º ESO, que se aproximaron aos misterios da relixión a ritmo de rap. Unha gratificante experiencia ben coordinada polo profesor Manuel! Parabéns aos alumnos polas súas orixinais e exitosas achegas.

UNHA VISITA MOI AGARDADA

Hoxe recibimos unha visita moi agardada na biblioteca. Os alumnos de 1ºPrimaria A obsequiáronnos coa súa presenza: escoitaron atentos o funcionamento da biblioteca e puideron levar libros prestados á súa casa.

A PERSPECTIVA

Este venres o Mouchiño recibiu emocionado a visita dos alumnos de 4ºESO, que procuraron buscar información sobre a perspectiva, para a materia de Educación Plástica e Visual. Como traballaron os rapaces e rapazas de 4º ESO!

Máis información en:

A perspectiva en Proxecto Abalar.

A perspectiva cónica

COMO FUNCIONA A BIBLIOTECA?

Hoxe recibimos unha visita moi agardada e moi especial. O profesor Andrés, co seu séquito de 1º Primaria C, entraron na biblioteca. Unha vez dentro, descubriron libros aptos para a súa idade, o sistema de carnés da biblioteca escolar e outras moitas sorpresas que levaron canda eles. O Mouchiño convidounos a leren moito e a divertirse cos libros.

150º ANIVERSARIO DO NACEMENTO DE AGATHA CHRISTIE

Un 15 de setembro de 1890 nacía no Reino Unido Agatha Christie. A escritora británica está considerada unha das pioneiras das novelas de misterio e intriga. Este ano, asemade, celebrase o 150º aniversario do seu nacemento, polo cal é un bo momento para ler e reler algunhas das súas obras máis emblemáticas (Asasinato no Orient-Exprés; Morte no Nilo)e acompañar aos seus personaxes máis coñecidos Hércules Poirot e Miss Marple nas súas aventuras e desventuras.

INICIO CURSO 2015-2016

Por fin empezou o colexio!!!!! Xa estábamos todos impacientes. O Mouchiño quere agradecervos todo o apoio que lle brindastes o curso pasado e espera seguir contando nesta nova andaina coa vosa ilusión e entusiasmo. A biblioteca escolar estará aberta desde o 15 ao 30 de setembro en horario de 09.00 a 13.30. Espérovos ver alí o martes. Non faltedes

FELIZ VERÁN

105 publicacións, 1343 visitas ao blog. Hoxe é o último día deste curso académico 2014-2015 en que a biblioteca estará aberta. A partir de mañá e deica o vindeiro curso a biblioteca pechará as súas portas. É hora de darmoslle ao Mouchiño un pequeno descanso para que veña con forzas e ilusións renovadas.

Precisamente, os alumnos de 1º A e 2ºA de Primaria, quixeron obsequia-lo Mouchiño cun contos "continuos", feitos a semellanza dos "cadáveres exquisitos" surrealistas. Velaí un obsequio que quedará exposto na biblioteca.

Feliz verán... Pasádeo ben na praia acompañados dun bo libro. Vémonos en setembro.

GENERACIÓN DEL 27

Madrugadores foron os alumnos de 4º ESO. Acompañados do seu profesor de lingua e literatura castelá, adentráronse sixilosamente na biblioteca e reafianzaron todo o estudiado na clase sobre a xeración do 27: Federico García Lorca, Pedro Salinas, Rafael Alberti, Miguel Hernández... Para refrescar os coñecementos, os rapaces viron un vídeo realizado por Antonio García Megía sobre a xeración de 1927.

Logo dunhas oportunas reflexións do profesor, os alumnos puideron ver e ler unha selección de libros expostos para a ocasión que tiñan como motivo central a xeración literaria do 27.

E mesmo algunha persoa se atreveu a recitar algún poema dos membros desta xeración. Grazas a todos pola vosa resposta entusiasta.

A BIBLIOTECA, UN LUGAR PARA DISFRUTAR DA LECTURA

A poucas semanas para remata-lo curso, hoxe tivemos a sorte de recibir a inesperada (pero ilusionante) visita dos alumnos de 6ºC á biblioteca. Durante uns minutos estiveron na biblioteca lendo individualmente e en silencio unha selección de libros en galego a iniciativa do seu profesor Rubén. Un saúdo a todos vós.

HORARIO DA BIBLIOTECA NO MES DE XUÑO

O Mouchiño quere darvos ánimos para afrontar estas últimas semanas de curso. Ánimos rapaces e rapazas! Asemade, O Mouchiño quere tamén informarvos do horario da biblioteca escolar durante este mes de xuño.

HORARIO BIBLIOTECA ESCOLAR - MES DE XUÑO

Luns - Venres: 09.00 - 13.30

A Biblioteca escolar estará aberta ata o 15 de xuño. A partir desa data estará pechada deica o curso que vén.

EN BUSCA DEL ORO PERDIDO

Había una vez unos señores que trabajaron duro para buscar oro y fuego azul para investigarlo

¡De repente, aparece un malvado y su araña adiestrada! El primero que se enteró fue el perro con su ágil olfato.

Alguien llama a la policía pero, rápidamente, aparece un ninja y su compañero. Nuestros protagonistas consiguen vencerlos tras una dura contienda.

llega la policía y ve que ya están derrotados y les dan las gracias.

Autor: Gonzalo R. S. (4º Primaria)