EN BREVE ... ARRINCAMOS!

Moi boas! 

Sodes moit@s @s que estades desexando voltar a biblio a polos vosos contos favoritos, @s que estades desacougad@s por non ter o buraco no carné, ou @s que queredes ver as novidades para o novo curso.

Este ano arrincamos os servizos da biblio un pouquiño máis tarde (outubro) xa que temos que traballar na seguridade nas aulas e nos procedementos e idear súper-actividades acordes coa nova situación, namentres vos deixo outro petisco de novidades.

Os catro exemplares de arriba son para lectores a partir de 10 anos, gomet verde 💚, e os cinco de abaixo son para 8 anos, gomet vermello 👹.

Polo de agora ... vémonos nos corredores e nas aulas! 😘

RESPONSABILIDADE E CONFIANZA

Conta atrás rapazada! Este xoves xa comezades algúns de vos a incorporarvos ás aulas!

Dende a biblio estamos a traballar para que a vosa volta sexa segura e tranquila, porque a cultura segue, e nós seguimos adiante cumprindo coas medidas  dos protocolos oficiais marcados polas autoridades educativas e sanitarias.

Saudiños lectores!😗

FARO DA ESCOLA

Xa dispoñemos na biblio de exemplares do Faro da Escola deste curso no que participa o noso alumnado de 4º de Educación Primaria, un único Faro da Escola para todos os colexios de Vigo, xa que pola crise do Covid non puidemos rematar os traballos e entregalos como é debido, así que optouse por publicar unha pequenísima parte das vosas tarefas na casa e insisto no de pequenísima, porque nunha páxina do diario non se pode reflectir todo o voso esforzo e ilusión. Parabéns ao alumnado de 4º de Primaria!

FEIRA DO LIBRO

Moi boas! Mañá comeza a Feira do libro de Galicia! poderedes visitala dende o 25 de xuño ata o 4 de Xullo na rúa do Príncipe, botádelle un ollo a programación porque conta coa participación de importantes figuras da literatura infantil e xuvenil galega, autor@s de cabeceira da nosa biblio como poden ser Ledicia Costas, El Hematocrítico, Anxo Fariña, Elena Gallego, Antonio García Teijeiro ...

Tamén estará asinando a súa nova banda deseñada "A proba de Auga" Anémona de Río, autora do primeiro manga galego!

FIN DO CURSO! 💪🎓🎇

Parabéns amiguiñ@s! Curso superado! Non foi doada esta situación pero vencémola (ou case) xunto coa axuda e o infinito amor das vosas familias e o  esforzo e o apoio  d@s nos@s querid@s mestr@s! E agora que? Pois agora temos por diante un fermoso verán para surfear!

Tende un libro amigo que vos acompañe nesta nova aventura estival que comeza, e se o queredes compartir facendo un video, mandando un debuxo do voso paisaxe vacacional, enviando algunha foto ou calquera cousa que se vos ocurra para compartir no blog ... nin o dubidedes! Podédelo enviar a bibliomaristasvigo@gmail.com e publicoo no blog chea de orgullo!

Deséxovos que gocedes do verán con ilusión, moitas gañas e un pouquiño de cautela tamén!

Saudiños, bicos e achuchóns lectores e virtuais! 😚

NOVOS CÓMICS NA BIBLIO! 💥💬✨💭💣

Bo día rapazada! estou tan contenta de poder ensinarvos o novo material da biblio! Unha manchea de cómics de superheroes e superheroinas para todas as idades! Non sei se algún poderá esperar ao comezo do novo curso...

E as novidades so están a comezar, seguide antent@s ao blog!

Saudiños lectores! 😄 

CLUB DAS LERCHIÑAS

Cada sábado dende o 9 de maio ao 6 de xuño poderedes disfrutar dos contos de 6 contadoras dende os seus fogares aos nosos, porque a narración oral unida as novas tecnoloxías posúen esa maxia de non saber de tempo nin de espazo. Nesta marabillosa familia de lerchiñas temos nomes tan coñecidos e queridos coma:

María Lado & Lucía Aldao | 9 de maio (podedes velo na web)
Bea Campos | 16 de maio
Andrea Bayer | 23 de maio
Paula Carballeira | 30 de maio
Ledicia Costas | 6 de xuño

Mañá as 11:00 é a quenda da fantástica Bea Campos! ❤

Aquí tedes a ligazón da web:
https://www.cidadedacultura.gal/gl/evento/club-das-lerchinas-sesion-de-contacontos-en-lina-para-familia

Saudiños lectores! :)

ESTAMOS DE VOLTA!

Ola queridxs lectorxs! Arrincamos de novo este blog con moitas ganas e máis ilusión que nunca preto desta data tan especial e máxica que é o noso Día das Letras Galegas.

Ainda que a  biblio esta pechada nestes días incertos, os libros e os contos poden ser a mellor das compañías e por iso a través deste blog poderemos comunicarnos e poñernos ao día, así que non dubidedes en participar facendo os comentarios e peticións que se vos ocorran nas publicacións.

Non vos perdades ningunha publicación para estar ao tanto das novidades da biblio, recursos online que vos poidan interesar, consellos e orientacións lectoras, celebracións de datas especiais e moitísimas sorpresas máis.

Saudiños lectores! 😊

HORARIO DA BIBLIOTECA NO MES DE XUÑO

O Mouchiño quere darvos ánimos para afrontar estas últimas semanas de curso. Ánimos rapaces e rapazas! Asemade, O Mouchiño quere tamén informarvos do horario da biblioteca escolar durante este mes de xuño.

HORARIO BIBLIOTECA ESCOLAR - MES DE XUÑO

Luns - Venres: 09.00 - 13.30

A Biblioteca escolar estará aberta ata o 15 de xuño. A partir desa data estará pechada deica o curso que vén.