SEGUIMOS INDAGANDO...

Os nosos interesados paleontólogos de 4ºA indagaron en busca do animal prehistórico agochado e na evolución dos homínidos.

EXPOSICIÓN: A PREHISTORIA E A EVOLUCIÓN HUMANA

Esta mañá os alumnos de 4ºC visitaron a exposición sobre a prehistoria que temos na biblioteca escolar. No seu percorrido cara ao pasado contaron con tres guías de luxo (Sara, África e José de 1º ESO C) que nos ilustraron cos seus coñecementos sobre a vida prehistórica.

A visita guiada concluíu coa participación dos rapaces e rapazas nos dous concursos que temos en marcha (Animais extintos e ¿Quen é quen?), dos que xa vos falamos en publicacións anteriores.

CLAUSURA SEMANA DOS DEREITOS DO NENO

Velaí o mural que deseñaron os rapaces de 1º, 2º e 3º Primaria sobre os Dereitos do Neno. Grazas pola vosa colaboración.

¿QUEN É QUEN? / ANIMAIS EXTINTOS

Dende o luns está a vosa disposición na biblioteca o CONCURSO: QUEN É QUEN?, un xogo divertido para descubrir máis sobre os homínidos. Animádevos a participar e probade sorte.

Paralelamente temos na biblioteca outro concurso en marcha sobre ANIMAIS EXTINTOS. Intentade descubrir o nome do animal que está ao lado do interrogante:

RESPOSTA: ____________________________

SEMANA DOS DEREITOS DO NENO:3ºB e 1ºC

Onte, mércores 19 de novembro os alumnos de 3º Primaria B quixeron achegar o seu gran de area á efeméride que celebramos hoxe.

Os alumnos de 1º C de Primaria tamén se quixeron unir aos festexos deste día que cómpre non esquecer en todo o ano.

SEMANA DOS DEREITOS DO NENO (II)

Hoxe os rapaces e rapazas de 2ºC expresaron nun mural os seus desexos para todos os nenos e nenas do mundo, logo de escoitaren o conto "O neno sen nome", da editorial Baía Edicións.

EXPOSICIÓN DURANTE A SEMANA DAS CIENCIAS

En colaboración cos Departamento de Ciencias, nesta semana realizaremos exposicións e proxeccións de vídeo dedicadas á evolución humana, en paralelo a outros actos que se celebrarán con motivo da SEMANA DAS CIENCIAS.

CONTACONTOS SOBRE OS DEREITOS DO NENO

Imaxinádesvos a vós mesmos sen ter un nome, sen saber que sodes nin de onde vides. Precisamente sobre a procura da identidade de cada un trato a primeira sesión de contacontos deste luns dirixida a rapaces de 1ºA. Os seguintes días pasarán pola biblioteca alumnos de 1º, 2º e 3º Primaria. Os alumnos de 1ºA asistiron a unha sesión de contacontos: "O NENO SEN NOME", editorial Baía Edicións e, a continuación, fixeron un mural na biblioteca no que expresaban os seus mellores desexos para todos os nenos do mundo. Velaquí algunhas fotos.

DECLARACIÓN DOS DEREITOS DO NENO E DA NENA

O vindeiro 20 de novembro conmemórase a aprobación da Declaración dos Dereitos do Neno, por todo isto dende a biblioteca queremos render homenaxe a esta efeméride e resaltar a importancia que teñen os nenos no porvir da humanidade.

1º QUIZ: ¡MÉSA, TRÁGAME!

Aquí vos deixo o segundo quiz. Esta vez as preguntas tratan sobre o libro de Gabriela Keselman, ¡Mesa, trágame!, da editorial Edelvives. Haberá premios para os gañadores. Animádevos a participar.

MAGOSTO

Unha das festas por antonomasia en Galicia é o MAGOSTO, unha data na que rendemos homenaxe á CASTAÑA. Velaquí algunhas mostras do labor de voluntariosos rapaces de 1º ESO decorando a biblioteca.

1º QUIZ: "CAPITÁN CALZONCILLOS"

Agora que xa levamos máis de dous meses de cursos, xa empezamos a descubrir as vosas preferencias literarias. Para refrescar a memoria déixovos neste blog un QUIZ (concurso de preguntas) sobre o libro "EL CAPITÁN CALZONCILLOS Y LAS AVENTURAS DE SUPERPAÑAL". Facédeo con ATENCIÓN, pois haberá premio para a persoa gañadora.

CONTACONTOS: QUE CONTAN AS OVELLAS PARA DURMIR?

Velaquí unha imaxe do contacontos que realizamos para 2º Primaria o pasado xoves e venres. Grazas a un público tan entusiasta e colaborador.

HEMEROTECA

O MOUCHIÑO informa: Tedes á vosa disposición, compañeiros e usuarios da biblioteca escola un servizo de hemeroteca para poderdes ler as vosas revistas favoritas: Aguilucho, OKAPI, Reportero DC....