RESPONSABILIDADE E CONFIANZA

Conta atrás rapazada! Este xoves xa comezades algúns de vos a incorporarvos ás aulas!

Dende a biblio estamos a traballar para que a vosa volta sexa segura e tranquila, porque a cultura segue, e nós seguimos adiante cumprindo coas medidas  dos protocolos oficiais marcados polas autoridades educativas e sanitarias.

Saudiños lectores!😗

BENVIDO SETEMBRO!

Benvido Setembro! que pouco falta para o comezo das clases e que ganas temos por aquí de vervos a tod@s! Mentres tanto seguimos coas novidades, aquí vos deixo un adianto de novos títulos para estrear!

Saudiños lectores! 😗

SAÚDOS DE MÍA

Ola queridiñ@s! que feliz estou de publicar este vídeo que nos envía a compañeira Mía de 1º de Primaria xunto con esta agarimosa mensaxe:

Holaaaa!!!

Espero que estéis todos bien y disfrutando tanto del verano como nosotras! 

Ahí os dejo un vídeo que le hacía muchísima ilusión hacer para vosotros.

Un beso enorme!  ️⭐️  

Moitas grazas Mía!

Se queredes enviarnos algunha mensaxe, fotos ou videos lembrade que podedes facelo a bibliomaristasvigo@gmail.com

Saudiños lectores! 😚

EL INCREIBLE NIÑO COMELIBROS

Moi bo día rapazada! Cómo van esas vacacións?! Non vos esquezades de "papar" algún libro que outro entre mergullada e mergullada! ñam! 😉

FARO DA ESCOLA

Xa dispoñemos na biblio de exemplares do Faro da Escola deste curso no que participa o noso alumnado de 4º de Educación Primaria, un único Faro da Escola para todos os colexios de Vigo, xa que pola crise do Covid non puidemos rematar os traballos e entregalos como é debido, así que optouse por publicar unha pequenísima parte das vosas tarefas na casa e insisto no de pequenísima, porque nunha páxina do diario non se pode reflectir todo o voso esforzo e ilusión. Parabéns ao alumnado de 4º de Primaria!

FEIRA DO LIBRO

Moi boas! Mañá comeza a Feira do libro de Galicia! poderedes visitala dende o 25 de xuño ata o 4 de Xullo na rúa do Príncipe, botádelle un ollo a programación porque conta coa participación de importantes figuras da literatura infantil e xuvenil galega, autor@s de cabeceira da nosa biblio como poden ser Ledicia Costas, El Hematocrítico, Anxo Fariña, Elena Gallego, Antonio García Teijeiro ...

Tamén estará asinando a súa nova banda deseñada "A proba de Auga" Anémona de Río, autora do primeiro manga galego!

FIN DO CURSO! 💪🎓🎇

Parabéns amiguiñ@s! Curso superado! Non foi doada esta situación pero vencémola (ou case) xunto coa axuda e o infinito amor das vosas familias e o  esforzo e o apoio  d@s nos@s querid@s mestr@s! E agora que? Pois agora temos por diante un fermoso verán para surfear!

Tende un libro amigo que vos acompañe nesta nova aventura estival que comeza, e se o queredes compartir facendo un video, mandando un debuxo do voso paisaxe vacacional, enviando algunha foto ou calquera cousa que se vos ocurra para compartir no blog ... nin o dubidedes! Podédelo enviar a bibliomaristasvigo@gmail.com e publicoo no blog chea de orgullo!

Deséxovos que gocedes do verán con ilusión, moitas gañas e un pouquiño de cautela tamén!

Saudiños, bicos e achuchóns lectores e virtuais! 😚